Сүүлчийн цаг хугацаа

Өдрийн үг.

2011-09-07T15:38:00.000-07:00

Өдрийн үг: "... Өөрсдийн утгагүй амьдралаас алт, мөнгө мэтийн устах зүйлсээр золигдсон бус,харин үнэт цусаар, Христийн цус болох гэм зэмгүй бөгөөд толбогүй хурганы цусаар золигдсон гэдгээ мэдэгтүн. " 1 Петр [1]:18-19

Тунгаан бодох ишлэл... Өдөр бүр ЭЗЭНий үгтэй.

Саятан болохыг хүсвэл ТАТАX

2011-01-17T13:07:00.000-08:00

Олон олон зочдын хүсэлтээр тоглоомыг татаж авахаар тавилаа. Гэхдээ татаж авахаар зориулж хийгээгүй боловч бас байнга интернетээр тоглоно гэдэг тийм ч амар биш байх. Ингээд заавал интернет хэрэггүй шууд компьютер дээр гэртээ, гадаа, вагонд, машинд тоглох боломжтой боллоо. Мөн найзуудтайгаа цугларч байгаад хэн нь илүү мэдлэгтэй байгаагаа ч шалган тоглож болох юм. Юутай ч ЭЗЭН Бурхандаа бүх зүрх сэтгэлээрээ үйлчлээрэй.

Энд дарж тоглоом татаж аваарай.

Нэмэлт:
Та манай сайтад байгаа зүйлсийг дараах сайтаар орж бүгдийг нь татаж авч болно :

Заавар :

1. Энэ http://www.mydrive.ch/ ( дээр нь нэг дар ) сайт уруу ороод нэвтрэх буланд нь нэвтрэх :

Name : ltime@ltime

Password : jesuschrist

WWW.LTIME.FR | Files : Бүх файлууд
WWW.LTIME.FR | Flash : Бүх Флашүүд
WWW.LTIME.FR | Musics : Бүх Монгол магтан дуунууд
WWW.LTIME.FR | Videos : Бүх сайтын видеонууд

Жилд бүтэн Библи.

2010-12-29T15:21:00.001-08:00

2010 оноо үдэж 2011 оноо угтах цаг боллоо. 2011 онд Бурхан танд зориулж ямар нэгэн гайхамшигтай зүйл бэлдсэн гэдэгт эргэлзэх зүйл алга. Харин та түүнийг нь хүлээн авах зохистой нэгэн мөн үү? Эсвэл тэр гайхамшгийг хүлээн авахад та бэлэн байна уу? Бурхан ямар хүнийг бүх үйлс нь ерөөлтэй ба амжилттай байна гэсэн бэ? Хариулт нь амархан Түүний үгийг өдөр шөнөгүй бясалгадаг хүн. Ингээд та бүхэнд 2011 онд Библийг бүрэн уншиж дуусгах календарь зориулж хийлээ.

Та өдөрт ихдээ 30 минут зарцуулахад л таныг Бурхан гайхамшигтайгаар ивээнэ.

Аль нэгэн дээр нь дараад татаж аваарай:
шууд PDF-ээр нь татах :
>>> Энд дараад татаж авах <<<

ZIP-ээр татаx :
>>> Энд дараад татаж авах <<<

Флaш тоглоом : Саятан болохыг хүсвэл (Хувилбар 2)

2010-11-18T14:27:00.000-08:00

Та Бурханы үг, Библийг хир сайн мэдэх бэ? А : Маш сайн, B : Дунд зэрэг, C : Жаахан, D : Муухан ??? Тэгвэл бүгдээрээ оюун мэдлэгээ уралдуулж, Бурханы үгээр саятан болцгоох уу?
Энэ тоглоомын хувилбар 2т та өөрийнхөө оноог хадгалж бусадтай харьцуулж болно. Сайт дээр эхний 25 тэргүүлэгч саятнуудын нэрсийг харуулах болно. За ингээд шударга мэдлэгээрээ саятан болоорой. Бурхан бүгдийг нь үнэхээр ивээг.

Заавар ба дүрэм:

Дүрэм бол яг л саятан болох нэвтрүүлэг бөгөөд Хувилбар 1-тээ яг адил.

1. Нийт 15-н асуулт ба асуулт бүрт 4-н хариулт бий. 1 хариулт нь л зөв болно.
2. Асуулт бүр цагтай бөгөөд үе ахих тусам асуултууд хүнд болно.
3. Цаг дуусахаас өмнө асуултдаа хариулах ёстой.
4. Хэрвээ цагтаа хариулж амжаагүй бол буруу хариулсанд тооцно.
5. Танд гурван боломж бий (Утсаар ярих, Үзэгчдээс асуух, 50 - 50).
6. Асуултаа эхэлсэн бол та заавал хариулах ёстой.
7. Ганцхан асуултуудын завсар л та тоглоомоо зогсоож оноогоо хадгалж чадна.
8. Хэрвээ та буруу хариулбал доошоо унах аюултай гэдгийг анхаарна уу.

Жишээ нь та $16 000 явж байгаад буруу хариулбал таны оноо $1000 дээр ирнэ.
Хэрвээ та $125 000 дээр явж байгаад буруу хариулбал таны оноо $32 000 дээр ирнэ.

Хувилбар 2-н нэмэлт:

Оноогоо хадгалах:
1. Тоглоом эхлэхээс өмнө та нэрээ оруулах хэрэгтэй.
2. Ямар нэгэн асуултад хариулсны дараа (Буруу/Зөв хамаагүй) хэрвээ та оноогоо хадгалж тоглоомыг дуусгахыг хүсвэл та :
"Дуусгах" гэсэн товч дээр дарж, дараа нь
"Оноо хадгалах" гэсэн дээр дарна уу.
Энэ үед шинэ цонх нээгдэж сайт таны оноог хадгалж хэрвээ 25 дотор багтаж байвал жагсаалт дотор таны нэрийг оруулах болно.

За амжилт!

Бурханы үг таны дотор хир хэмжээний байна бэ?
Шударга хийгээд зөвийг үйлдэх нь ЭЗЭНд өргөлөөс ч илүү таалагддаг.

Видео: Хэзээ ч эртдэхгүй.

2010-10-29T15:37:00.000-07:00

Бурханы дуудлагыг дагахад хэзээ ч эртдэхгүй. Бурхан хүнийг голж шилж бага балчир том жижиг гэж ялгадаггүй. Учир нь Өөрөө бүхнийг чадагч хэнээр ч Өөрийнхөө ажлыг хийж чадна. Тиймээс өөрийгөө хэзээ ч эрт байна гэж бүү бодоорой. Бурхан Өөрийнхөө гайхамшгийг үйлдэхдээ чиний чадахгүйг чадуулж, чиний мэдэхгүйг мэдүүлж, хүрээгүйд хүргэж, даваагүйг давуулж харуулдаг билээ. ЭЗЭН чамтай хамт байг.

Сүнсийг бүү бөхөө.

2010-10-29T15:34:00.000-07:00

Энэ өдрийн мэнд. Удаан хугацаанд сайт дээрээ бичлэг нэмсэнгүй. Санаа оноо их ч нэг л тухлан сууж бичих боломж байсангүй. Энд ч нэг төсөл, тэнд ч нэг дипломын ажил, дунд нь ч нэг асуудал, гээд л амьдрал дөнгөж эхэлж л байна. Хэцүү л дээ, гэхдээ үүнээс хэцүүг нь туулаад явж байгаа хүн олон байж л байна. Гэхдээ бидний дээр туслах хэн Нэгэн байгаа нь гайхалтай. Харин Түүнийг олж Түүнтэй алхаж Түүн дотор зогсоно гэдэг хүн бүрийн хүсэл биш байх.

Гэхдээ бас хүссэн атлаа чадахгүй байх нь олонтой. Яг энэ талаар л жаахан ярилцах гэсэн юм. Ойрд нөгөө өдөр бүр солигдох өдрийн үг маань ч амжилттай солигдсонгүй. Гэхдээ сайт дээрх өдрийн үг бол юу ч биш, нэг 2 ишлэлээр бидний нэг өдрийн үг хязгаарлагдвал маш том асуудал. Учир нь бидэнд өдөр бүр тогтмол үг байхгүй бол бидний харилцаа нурж байгаа нь тэр. Залбирал байхгүй бол сүнс бөхөж байгаа нь тэр.
Бид бол дээрээс, Бурханаас төрөгсөд. Бурхан бидэнд Ариун Сүнсээ өгсөн бөгөөд Тэр сүнс бидэнд ирэхдээ, бидний дотор шинэ хүнийг бий болгосон юм. Харин бидний үүрэг бол Тэр шинэ хүнийг, тэр сүнсийг хооллож сүнсээр өсөх, сүнсээр хүчтэй байх. Ингэснээр бидний Есүстэй хийсэн харилцаа улам дотносож, илүү бэхжих болно.

Яг л бидний махан биед өдөр бүр талх, ус хэрэгтэй байдгын адил, бидний сүнсэнд мөн адил хэрэгтэй. Бурханы үг, залбирал бол бидний сүнсний хоол. Гэсэн хэдий ч 5 минутын залбирал, 5 минутын уншлага бол юу ч биш. Бид өөрсдийн махан биедээ өдөрт тал талх, тал аяга ус өгдөг бол бид эрүүл байх уу? Бид хүчтэй байх уу? Бид баяр хөөртэй байх уу? Магадгүй үхчихгүй нэлээн гүрийх байх, гэхдээ энэ нь бидний сүнстэй, бидний Бурхантай харилцах харилцаатай шууд холбоотой. Учир нь Библи бидэнд хэлэхдээ: ЭЗЭНий үгийг өдөр шөнөгүй тунгаан бясалга, Тасралтгүй залбирал, Сүнсийг бүү бөхөө гэжээ (Дуулал 1:1, 1 Тесалоник 5:17-19).

Есүс энэ ертөнцөд ирэхдээ үг байсан бол, бид Түүнтэй ойрхон байхын тулд Түүний үгээр өдөр бүр дүүрэн байх нь чухал. Бид сүм дээр очиж үг сонсох, өөрөө үгийг нээгээд унших, хүнээр залбируулах, өөрөө сөгдөөд залбирах маш том ялгаа. Учир нь бид хувийн харилцаа хийсэн болохоос нийтийнх биш. Тэр ирэхдээ биднийг таних нь чухал болохоос, бид Түүний нэрийг нь мэдээд зогсох биш. Бид өдөр бүр бэлэн байх ёстой ах дүү нараа.

Учир нь Эзэний өдөр нь шөнөөр ирэх хулгайч мэт ирэхийг та нар өөрсдөө маш сайн мэддэг. 1 Тесалоник [5]:2

Видео татаx

2009-10-29T15:32:00.000-07:00

Авахаасаа илүү өгөх нь ерөөлтэй билээ. Миний та нарт өгч байгаа зүйл тийм том, тийм гайхамшигтай биш ч гэсэн бидний ЭЗЭН Бурхан ирэхэд хов хоосон сууж байхгүй, харин үрж жимстэй, итгэлээрээ баатрууд байгаасаа, итгээгүй нэг нь итгээд аврагдаасай гэж хийдэг билээ. Та бүхэн хэрэгтэй гэж үзвэл сайтад байгаа видео бичлэгүүдийг татаж аваад интернетээр үзэх боломжгүй нэгэндээ үзүүлээрэй. ЭЗЭН Бурхантай бүгдийг хамт.

Яг л магтан дуу татаж авсан шиг татаж аваарай. Гэхдээ өөр нэг шар хавтасанд бий. Манай сайт та бүхэнд цаанаас нь нэвтрэх эрх өгсөн байгаа. Бүртгүүлэх огт хэрэггүй.

Заавар :

1. Энэ http://www.mydrive.ch/ ( дээр нь нэг дар ) сайт уруу ороод нэвтрэх буланд нь нэвтрэх :

Name : ltime@ltime

Password : jesuschrist

2. Нэвтэрч орсоныхоо дараа "WWW.LTIME.FR | Videos" гэсэн шар хавтасан дээр дарахад cайтад байгаа бүх видео гарч ирнэ. Татах видеогоо сонгоод л дээр нь байрлах Download гэж дараад татаж эхэлнэ. Хаана татсанаа мэдэхгүй бол My Documents эсвэл Desktop-оо шалгаж үзээрэй.

Болохгүй бол хэсэг байж байгаад дахиад нэг оролдоод үзээрэй. баярлалаа, амжилт.

Өөр асуулт байвал асуугаарай. Ч.Нармандах

Монголын төлөөх Залбирал

2009-10-29T15:30:00.000-07:00

Та бүхнийг Монгол улсынхаа төлөө залбирах залбиралд уриалж байна. Та хажуу талд байрлах "Монголынхоо төлөө залбирцгаая" гэсэн товчлуур дээр дарж илүү ихийг мэдээрэй.
Бид хүнээс юм авахдаа зүгээр суудаггүй, гуйдаг бол Бурханаас бид авахдаа залбирдаг билээ. Тасралтгүй залбир. [1 Тесалоник 5:16]

Та ЭНД ДАРЖ ИЛҮҮ ИХИЙГ МЭДНЭ ҮҮ.

Та ЭЗЭНийг гэрчлэхэд бэлэн үү?

2009-10-29T15:29:00.000-07:00

Удахгүй Eagle-TV-ээс гаргах гэж байгаа “Биднээс эхэлнэ” залуусын нэвтрүүлгийг танилцуулахдаа таатай байна. Энэхүү нэвтрүүлэг нь сүм цуглаан болон христчин байгууллагад Эзэний төлөө үйлчилж байгаа залуучуудын үйлчлэлийн үнэ цэнийг нь ойлгуулж, урам өгч, босгон байгуулахад, мөн түүгээрээ дамжуулан залуусыг үйлчлэлд уриалах эрхэм зорилготой юм байна. Үүнд бас та бид хоёр ч бас хувь нэмрээ оруулж өөрсдийн ЭЗЭН Бурханыг алдаршуулах боломжтой юм байна. Харин яаж?

Энэхүү нэвтрүүлгийн 4-р буланд Эзэнд үйлчилж байгаа гадаад, дотоодын залуусын гэрчлэлтийг дүрсжүүлэн гаргах юм байна. Тиймээс та болон таны итгэлт нэгт ахан дүүс, сүм цуглааны найз нөхдийнхөө Эзэнд яагаад, яаж, ямар учраас үйлчлэх болсон тухай үзэгч залуусыг босгон байгуулахууц гэрчлэлтэй залуус байвал энэ нэвтрүүлэгтэй холбогдож ЭЗЭНд бас үйлчлээрэй гэж хүсье. Бүх зүйлээрээ ЭЗЭН Бурханаа алдаршуулцгаая.
Миний зүгээс хэлэх зүйл гэвэл муу гэрчлэлтэй гэж өөрийгөө бүү голоорой, Бурхан таны амьдралд хийсэн өчүүхэн ч зүйл гайхамшигтай гэдгийг санаарай. Учир нь бидний ЭЗЭН Бурхан Өөрөө гайхамшиг билээ.

Ханын цаас 2

2009-10-29T15:27:00.000-07:00

Компьютерынхаа дэлгэцний зургийг солиход зориулж ишлэлтэй ахиад хэдэн зураг нэмж орууллаа, татаад аваарай. Сонгоод эсвэл бүгдийг нь татаж авч болно. Мөн зургийн цомогт 4 дэх цуврал нэмэгдсэн байгааг давхар мэдэгдье. Ханын цааснуудын 2 дахь хувилбарыг зургийн цомогт 5 дахь цуврал болгон нэмлээ. Татаж авах хаяг нь зургаа үзэж байхад доор нь бий. Нэг нэгээр нь татахдаа шууд хулганаараа татаад дэлгэцэн дээрээ татаад тавиарай.

Сайт дээр зураг жижигхэн мэт харагдах боловч эдгээр зургууд нь дэлгэцэн дээр тавихаар зориулж хийсэн тул харьцаа болон зургийн чанар нь сайн. Томруулах тусам илүү гоё харагдана.

Зургийн цомог уруу орох >>> Цуврал 4 шинэ

Зургийн цомог уруу орох >>> Цуврал 5 шинэ

Нууцлагдсан түүх буюу Монгол бичгийн түүх

2009-10-29T15:26:00.000-07:00

Аливаа түүхийг улс төрийн зорилгоор бичдэг үүнээс болоод түүхэн үнэн гуйвуулагддаг эсвэл дарагддаг бүр заримдаа зохиомол домгон түүх хүртэл үүсдэг билээ. Би энэ удаа Монголын түүхэн дотроос дарагдсан эсвэл зориуд мартагдсан байж магадгүй Монголын бичгийн түүхийг дэлгэхийг зорилоо.

Нууцлагдсан түүх буюу Монгол бичгийн түүх

       Надад анх Европийн орнуудын түүх уншиж байхад тэдний бичиг үсгийн түүх болон үндэстний бүрэлдэн тогтсон түүх Христийн шашинтай салшгүй холбоотой юм байна даа гэсэн сэтгэгдэл төрж байлаа. Ялангуяа тэдний бичиг үсэгтэй болсон нь Христийн шашинийг дэлгэрүүлэх үүднээс тухайн ард түмний эх хэл дээр Библийг орчуулж бичих зорилготой, тэдний хэл ярианы онцлогт зориулж бичиг үсэг зохиодог байсан нь тод харагддаг. Үндсэндээ орчин үеийн Умард болон Зүүн Европийн ихэнх орнууд VIII–X-аар зууны үед Христийн шашинд орсон бөгөөд үүнтэй холбоотойгоор тэдний бичиг үсэг, тэр бүү хэл үндэстний төр улсын үүсэл тавигдсан байдаг. Одоо бидний хэрэглэж байгаа Кирилл үсгийг ах дүү Кирилл, Метод гэх хоёр Христийн номлогч славян хэлний онцлогт зориулан зохиосон юм.

Гэтэл Монгол бичиг үсгийн түүх ч гэсэн Христийн шашинтай холбоотой нь харагддаг. Тэгэхлээр би өөрийнхөө таамаглалыг батлахыг оролдоё.

Тэгэхлээр Монгол бичгийн түүхийг судлахын тулд дэлхийн соёл иргэншил, бичиг, үсгийн түүхийг судлахаас өөр аргагүй ээ.

       Анх хүний нийгмийн үйлдвэрлэх хүчний өсөлтөөр тухайлбал 13000 жилийн өмнөөс баруун Ази одоогийн Сири, Ирак болон түүний эргэн тойрны улсуудын үржил шимтэй нутагт Тигр, Ефрат (Tigris and Euphrates) гэх хоёр агуу мөрний сав газар улаан буудайн тариалал эрхэлснээр [1], дараа нь 8000 жилийн өмнөөс мал аж ахуй үүссэнээр эд баялагийн хуримтлал бий болон нийгмийн янз бүрийн анги, давхаргууд бий болжээ.

Ингэснээр нийгмийн зохицуулалт хийх шаардлагын дагуу анхны төр, захиргаанууд үүсчээ. Улмаар төрт улсууд нь аливаа үйл хэргийг амаар явуулах боломжгүй болов.

Шалтгаан нь:

1. Удирдагч хүн, хүн болгонтой уулзаж амаар, заавар зөвлөлгөө өгөх боломжгүй учраас гаргасан ам тушаал, зааварчилгаа нь зохих газраа хүрдэггүй эсвэл гуйвж очдог байв.

2. Эд, материалын их хуримтлал үүссэн тул бүртгэл, баримтжууллын үйл ажиллагаа шаардлагатай болов.

гэх зэрэг шаардлагаар Шумер улсын үед анхны бичиг, үсэг бий болсон түүхтэй.

Анхны бичиг үсгүүд нь дүрс үсэг байсан ба эртний Египет улсын түүхийн сүүл хэсгээр зарим авиаг тэмдэглэх болжээ.

       Хожим нь Финикууд дээрхи санааг үргэлжлүүлэн авиа зүй дээр үндэслэн бичиг үсэг зохиосон юм. Эндээс орчин үеийн авиа зүйн бараг бүх бичиг түүний дотор Монгол бичиг үндэстэй.

       Монгол бичиг нь Финик-Арамай-Сири-Согд-Эртний Уйгар-Монгол үсэг гэх дарааллаар үүссэн билээ. Эхний гурван бичиг үсэг нь Семит хэлний бүлгийн хэлнүүд (Одоогийн Араб, Еврейн өвөг хэл) бөгөөд Йисус Христ нь арамай хэл дээр ярьдаг байв. Согдууд болохоор одооний Ираний төрөл хэлээр, Уйгурууд түрэг хэлний бүлэгт хамаарагддаг байжээ.

       Эндээс нэг сонирхолтой асуулт гарч болох юм. Яагаад Монголчууд эртнээс нааш харилцаа холбоотой, хөрш улсууд болох өөрийн бичиг үсэг бүхий эртний соёлт хөрш Хятад болон Тангуд, Төвдээс бичиг үсгээ аваагүй юм бэ?
Учир нь Хятадын дүрс үсэг нь Монголчуудын хувьд дэндүү нүсэр Монголын нүүдлийн соёлд дэндүү тохиромжгүй байв.

       Төвд, Тангуд улсууд нь эртнээс VII зууны үед Соронзонгомбо хааныхаа үес Буддын шашинд албан ёсоор орсон бичиг үсэгтэй улсууд байсан боловч Монголчууд бас л авсангүй. Шалтгаан нь миний дээр дэвшүүлсэнээр бол Монгол бичиг нь Христийн шашны гарал үүсэлтэй байсанд оршино.

Тэгэхлээр энэ шалтгааныг тайлбарлахын тулд бид Христийн шашны түүх, түүний Монголд дэлгэрсэн түүхийг судлахаас өөр аргагүй болно.

       Христийн шашин нь эртний Жүүдийн (Еврей) шашнаас үүсэлтэй бөгөөд манай эрний 0000 онд эртний еврей хэлээр Messiah ( Грекээр: Christ-Христ ) буюу бурханаас илгээгдсэн Ийсус төрсөнөөр эхлэлтэй юм. Хожим энэ шашин нь өөрсдийн итгэл үнэмшилийн тулгуур болох Эцэг, хүү, ариун сүнс, Христийн эх Мариягийн талаарх үзэл бодлын зөрүүгээс зөрчилдөн олон урсгалууд бий болгосон ба эдний дотроос Несториан урсгал нь Монгол оронд YII-X-аар зууны хооронд тархжээ. Несториан гэдэг нь Несторус гэсэн хүний нэрнээс үүсэлтэй ба энэ хүн Y-аар зууны үед Зүүн Ромын эзэнт улсын нийслэл Константинаполь хотын хамба лам байжээ. Несторус нь Ийсус Христ нь хүн ба бурханы шинжийг хоёуланг нь тусдаа агуулж байсан гэсэн асуудал дэвшүүлснээр Христийн ертөнцөд маргаан өрнүүлжээ. Улмаар Константинаполь хотынхоо хамба ламын эсрэг тэр үеийн өрсөлдөгч том хот Александрын хамба Кирил маргаан өрнүүлж Ром зэрэг газруудаас дэмжлэг авсанаар Несторусын талыг ялж, хавчин шахав. Ингэснээр энэ урсгал нь зүүн тийшээ тархах үндэс болж өгсөн юм. Энэ нь миний таамаглалаар бол гол нь үзэл сурталаас илүү тэр үеийн өрсөлдөгч том хотууд Константинаполь, Александр, Ромын геополитикийн өрсөлдөөнөөс шалтгаантай байсан байх.

       Ингээд Несториан урсгал нь зүүн тийш эртний Ассир улсын удмынхан дунд ихээр тархжээ. Тэр үеийн Ассирууд Сири (Syriac) хэлээр ярьдаг байсан ба энэ хэл нь Арамай хэлний удам эсвэл төрөл хэл ажээ.

       Несторианчууд зөвхөн шашны бадрангуй (enthusiast) үзлээс гадна худалдааны орлого олох зорилгоор Христийн шашныг дэлгэрүүлж эхэлсэн бололтой. Тэд залуучуудыг шашны төдийгүй худалдааны чиглэлээр 3 жил бэлддэг байж. [2-ийн 14 хуудас]

       Тэр үед торгоны зам нь худалдаа, харилцаа, соёлын солилцооны үүрэг гүйцэтгэж байснаас гадна энэ замаар янз бүрийн үзэл суртал, шашин тархаж байв. Несторианчуудын зорилго нь аливаа шашны адилаар үзэл суртлаа дэлгэрүүлэхээс гадна эдийн засгийн ашиг олж үйл ажиллагаагаа санхүүжүүлэх улмаар шашин нэгтэй хүмүүсийг торгоны замын дагуу бий болгосноор худалдаагаа найдвартай хийх сүлжээ байгуулах нь тун хэрэгтэй байсан болов уу. Нөгөө талаар Исламийн шашин VII-аар зуунаас эхлэн хүчтэй тэлснээр Несторианчуудыг уугуул нутагт нь дарамтлан уг шашинг зүүн тийш тэлэхэд хүчтэй нөлөөлжээ.

       Түүнээс гадна манай эриний 241 онд хуучин Ассирийн Христ шашинтай (Несториан) байсан залуу Мани шинэ Маниан (Manicheanism) шашнийг үндэслэжээ. Энэ шашин нь Будда, Христ, Зороастер (Zoroaster) гурвууланг нь агуу номлогчид гэж номлож байсан байна.[3, 3 ба 11-р х.] Улмаар Манийн шашин Парфиан (эртний Иран) , тэдний төрөл Согдод тархаж Уйгур улсад 763 онд төрийн шашин болжээ.

Манийн шашин, дээр дурдснаар Несториан урсгалын хүчтэй нөлөөгөөр бүрдсэн учир тэдний бичиг үсгийг (Сири бичиг) авч хэрэглэсэн байна.

       Тэгэхлээр эхлээд Христийн шашин, дараа нь Маниан шашин тархахдаа эхлээд сири хэл, бичгээр дараа нь тухайн ард түмнүүдийн хэл аялгуунд зохицуулах шаардлагын дагуу бичиг үсэг зохион Согд үсэг бичиг түүнээс уламжлан Согдуудаар дамжуулан Уйгурууд өөрсдийн бичиг үсэгтэй болж шашныхаа ном зохиолуудыг өөрсдийн төрөлх хэл дээрээ хөрвүүлж авч байсан нь Хятадын Шинжаан зэрэг газар хийсэн археологийн шинжилгээгээр нотлогддог юм.

Согдууд нь тухайн үедээ өндөр соёлтой улс гүрэн байсан бөгөөд тэр үеийн торгоны замын худалдаанд хүчтэй ноёрхож байсан ба одоогийн дундад Азийн Узбекстан зэрэг улсуудын нутаг дээр оршиж байсан тул энэ давуу талыг олсон бололтой.

       Ричард Фолцийн [4, 68 х.] бичсэнээр бол Согдууд дотор VIII–аар зуунд Исламын шашинд ортлоо Христийн шашнийг баримтлагчид олон байжээ. Түүнчлэн тэдний хэл тухайн үеийн торгоны замын дагуухи гол хэл байсны хувьд тэд орчуулагч, болон орчуулгын үүрэг гүйцэтгэж Христ, Будда, Мани, Зороастерийн шашний олон ном зохиолыг өөрийн болон бусад хэл дээрээ орчуулж байжээ.

       Чухам энэ шалтгаанаар Уйгарууд Согдоос бичиг үсгийн авсан байх. Гэхдээ хэвтээ чиглэлд биш босоо бичдэг болсон нь магадгүй Хятадын бичиг, үсгийн соёлын нөлөө болов уу.
Монгол улсын түүх, [5] тэргүүн ботийн 339 –аар хуудсанд дурдснаар:

“… Дундад Азийн өндөр соёлт согд нараас бичиг авч өөрийн хэлний аялгуунд зохицуулан хэрэглэсэн нь түүхэнд уйгар бичиг хэмээн алдаршжээ.

…Уйгур бичгийг, тэдний бүрэлдхүүнд орсон түрэг, монгол угсааны зарим аймаг хэрэглэж байсан бөгөөд улмаар Их Монгол улсын албан бичиг болсон юм. Уйгур бичгээр дамжин олон тооны үг Монголд нэвтэрсэн нь ном, дэвтэр хэмээх согд үг, … эрдэм зэрэг уйгур үгс болно.” гэжээ.

Монгол оронд христийн шашин тархсан нь болон Монгол бичгийн үүсэл:

       Сонирхолтой нь Найжэл Камеруны [6, 42 х] дурдсанаар бол Их Монгол улсад илгээж байсан Европийн элч нар нь голдуу Сири хэл, бичгээр бичсэн (Несториан шашны албан ёсны хэл, бичиг) захидалтай ирдэг байсан. Жишээ нь: Виллиам Рубрук (William of Rubruck) Сири хэл дээр бичсэн захиатай ирж байсан байна.
Эндээс ямар учраас Европууд захиагаа Сири хэл, бичгээр дээр Монгол руу илгээж байв гэсэн асуулт гарч байгаа юм.

       Лоуренсе Браун [7, 101-103 х.] болон Алфонсе Мингана [8] нарын бичснээр бол МЭ 1007 -1008 онд Монголын Хэрэйд аймгийн 200,000 хүн Христийн шашинд орсныг тэр үеийн Мерв хотын Несториан шашны тэргүүн Абдиешийн захиа болон Ассирийн сүмийн он дарааллын бичигт Жасоб Бар-Небраеус тэмдэглэгдэн үлджээ. Тэнд өгүүлснээр бол Хэрэйд аймгийн удирдагч ан хийж яваад хүчтэй цасан шуурганд өртөж амь алддагийн даваан дээр түүнд христийн шашний ариун гэгээн нарын нэг үзэгдэж явах замыг нь зааж өгснөөр орон байрандаа эсэн мэнд хүрч чаджээ. Ингэснээр тэр нэн даруй тэр хавьд байсан Ассирийн худалдаачдад элч илгээж Христийн шашнийг дагах болсноо мэдэгдэн тэр болон түүний албатууд христийн шашинд орсон гэжээ.

       Мөн Хэрэйд аймгийн удирдагч Ван хааны өвөг болон эцэг нь Маркус, Курчагус (Georgeus) гэсэн нэртэй байсан нь Христийн шашний гаралтай гэж тэмдэглэгддэг.[9, 1-р боть 130 х.]

Ер нь 800 он орчмоос Христийн шашны худалдаачдын нөлөөгөөр Христийн шашин Найман, Онгуд, Хэрэйд, Уйгур, Хар Хятанд тархаж эхэлжээ. [10, 152 х.]

       Түүнээс гадна та бидний сайн мэдэх япончуудын хийсэн Монгол Их гүрэн түүхэн баримтад кинонд Өвөр Монголын нутаг дахь хуучин Онгуд аймгийн балгаснаас Хэрээс буюу Загалмай тэмдэгтэй чулуунууд олддог тухай харуулж байсныг санаж байгаа байхаа.

       Өнгөрсөн зуунд олдсон Хар Хот болон Булаг? (Bulayïq) зэрэг Хятадын Шинжаан уйгурын автономит болон Ганьсу мужийн нутгаас олдсон эртний бичиг дурсгалын олдвор дотор Христийн уйгур бичээсүүд нилээн байдаг бөгөөд тэнд Йисусийг Мисха (Messiah гэсэн үгнээс гаралтай байх Ё.Г) тангри – Мөнх тэнгэр?, хан тангри гэж нэрлэж байсан нь сонирхолтой. Мөн нилээн тооны Согд, Сири бичээс бүхий Христийн ном судрын үлдэгдлүүд олджээ. [11][12, 254-256 х.]

       Тэгэхлээр эндээс Монголд нутаглаж байсан аймгууд өөрөөр хэлбэл тэр үеийн хүн амынх нь тал нь Христийн шашинтай байсан. Тиймээс эх хэл дээрээ шашныхаа номлолыг уншиж байсан. Эх хэл дээрээ номоо уншиж байсан юм чинь өөрсдийн нутгийн хэл аялгуундаа зориулсан бичиг үсэгтэй байсан, тийм байх шаардлагатай гэсэн дүгнэлтэнд хүрч байна. Монгол бичиг нь Финик-Арамай-Сири-Согд-Эртний Уйгар-Монгол бичиг, үсэг гэсэн дарааллаар Христ болон Манийн шашны нөлөөгөөр дамжиж бидэнд ирсэн нь дээрхи болон дараахи нотолгоонуудаас дахин харагдаж байна.

       Монголын түүхэн болон уран зохиолын гол эх сурвалжуудын нэг Монголын Нууц Товчоог уншиж байхад ажиглагдсан зүйл бол зохиолын бүтэц Библи судартай их төстэй байдаг юм. Дээрхи зохиолууд хүний нэр, газар ус, үйл явдлууд нь ялгаатай болохоос зохиомж дараалал зэрэг их төстэй. Тэрний хүү тэр, тэрнэээс тэр гарав гэх мэт.

       Мөн хожим Монголын цөм болсон нирун аймгуудыг үндэслэгч Алунгоогийн 5 сумыг хөвгүүддээ хугалуулахаар өгсөн сургааль нь эртний грекийн Аесопын [13] домог сургаальтай адил байдаг нь тохиолдол гэж үзэхэд хэцүү л юм. Аесопын [13] домог сургаальд нэгэн хөгшин үхэхээс өмнө саваа мод зарцаараа авчруулж ирээд хүүхдүүдээрээ хугалуулж, сургааль айлдсан тухай сонссон байж болох талтай.

       Тэр тусмаа Алунгоо өөрсдийн хүүхдүүдээ шөнө бүр ирдэг цагаан шар хүнээс гаралтай гэж хэлсэн. Хүүхдүүд нь болох боржигинчууд ногоон, бор [хөх] нүдтэй, шар өнгөтэй арьстай байсан гэж Раш Ад Диний зохиолд [9, 1 боть, 155 х.] тэмдэглэгдэн үлдсэн нь тэнгэрээс гаралтай гэхээсээ илүү эртний Сиригээс ирсэн Несторийн шашны худалдаачинтай холбоотой байсан гэмээр сэтгэгдэл төрүүлдэг.

       Алунгоогоос хойш нь Чингис хаан хүртэл 12 үе болсоныг тооцвол тэр үед дунджаар 20-25 насандаа хүүхэдтэй болдог байсан гэж үзвэл Чингис хаанаас 240-300 жилийн өмнө буюу X-XI-ээр зууны хооронд болсон явдал гэлтэй. Энэ нь Хэрэйд аймгийн Христийн шашинд орсон үетэй ойролцоо байгаа нь анзаарагдаж байна.

       Тэр үеийн Монголын бөөгийн шашин одоо үеийнхээс ялгаатай байж, ганцхан Мөнх тэнгэрийг шүтдэг байтал хожим үеийн бөөгийн мөргөл маань 99 тэнгэрийг, мөн өвөг дээдсийн сүнс, сахиусыг шүтдэг. Ингэснээр эхнийх нь монотейзм дараагийнх политейзм гэсэн шашны ангилалд багтаж байгаа юм. Монотейзмд нь ганцхан дээд хүчин (эзэн, бурхан) байдаг гэж номлодог Христ, Мусульман шашинууд ордог бол политейзмд олон бурхадтай буддын болон хинду зэрэг шашинууд ордог.

Мөн нууц товчооны эхийг Козиний [14] латинаар буулгасныг харахад;

§ 174. …

….Kouno ami erusun dobtulduya! Keeesu, teun-tur Ačiq-Širun uķulerun:
Qan, qan! Butuķai!
Ečine buķu, kou erirun,
Elbiesun ĵalama kiĵu,
Abi-Babi! keen,
Erin ĵalbarimui bida,
Edun-torun-baraqsan,

kou Saŋķumi asaraya! Moŋğolun oloankin, ĵamuqa-lua, Altan, Qučar-lua bidan-tur bi! Temuĵin-lue daičiĵu ğaruqsan Moŋğol qaa otqun tede?

Козиний [15] Орос руу орчуулсан нь;

174. …

…Кинемся же выручать сынка!” Тут Ачих-Ширун и говорит ему: “Полно-те хан, государь мой!
Втайне о сыне – ты помнишь? – мечтал, Жертвы-курения духам ты слал, Слезно молитвы святые творил Да неотступно ты “Авва” твердил.
["Все мы, втайне домогаясь сына, моления и жертвы приносим, "абай-бабай4 твердим, вознося усердные молитвы..."]‘
Ц. Дамдинсүрэн[16] гуайн орчин үеийн Монгол хэл рүү буулгасан нь;

174.
Ачиг-Ширvн єгvvлрvvн:
“Эзэн хан минь
Эрхбиш болоомжилж айлд
[Эзэн хан тэргvvлэнЭнгийн харц бvгдээр]
Эс заяасан хєвvvний
Эрэл мєрєєдєл болж
Элдэв арга хийлгэж
Эвий бавий хэмээн залбирах бєлгєє
Энэ залбирал бvтэж
Эхээс тєрсєн заяасан
Эрхэм хєвvvн Сэнгvмийг
Энхрийлэн асарч сувилъя

       Энэ гурван хэсгийг харьцуулж харахад энэ нь эртний Арамай хэлний “Авва” эцэг эсвэл эцэг тэнгэр, бурхан гэсэн залбирлын үг мэт. Ер нь орчин үеийн Монгол хэлний аав гэдэг үг [17] Еврей хэлний “אב – (латин галиг –av, утга- аав)” гэдэгтэй төстэй байгаа нь ч сонирхолтой юм.

       Бас л одоогийн Монголын эвий бүүвэй гэдэг үг энэ залбирлаас гаралтай юм бол уу? Монголын Их хаадуудын ээж, болон хатад дотор маш олон Христэд итгэгч нар байсныг анзаарахгүй өнгөрч болохгүй. Жишээ нь , Мөнх, Хубилай, Хүлэг хааны эх Христ шүтлэгтэй Сорхагтани бэх (Ван хааны дүү Жаха-Хамбугийн охин) хүүхдүүдээ Abi-Babi! буюу Эвий бавий-эвий бүүвэй гэж энхрийлэн залбирч байсан байж магадгүй ээ.

       Нууц товчоог судалсан Ц. Дамдинсүэн зэрэг олон эрдэмтэд Монголчууд эртнээс нааш бичиг үсгийн соёлтой байсан, Нууц товчооноос өмнө бичигдсэн бичиг зохиолын дурсгалууд хадгалагдан ирээгүй бололтой, мөн тэр үеийн Монгол ярианы хэлнээс бичгийн хэл нь ялгаатай болсон байна гэж дүгнэдэг.

       Миний бодлоор бол дээрхи нөхцлүүд дээр дүгнэлт хийхэд Монгол бичиг нь Найман юм уу Хэрэйд аймгийн эсвэл аль нэгэн аймгийн аялгуу дээр тулгуурлаж Христийн ном зохиолыг анх орчуулж гаргах зориулалтаар үүссэн. Ном гэдэг үг ч гэсэн эртний Христийн ертөнцийн голлох номын хэл болох Грекийн номос-хууль дүрэм гэдгээс гаралтай нь харагдаж байдаг. Гэтэл Монголын эртний өвөг дээдэс эрт дээр үес Хятад, Тангадын ном зохиолтой танилцаж явсан нь дамжиггүй. Тэгж явсан атлаа тэднээс энэ үгийг зээлдээгүй харин Согд хэлээр дамжуулж энэ үгийг авсан нь учиртай мэт!

       Бас нэгэн зүйл нь Хэрэйд гэдэг үг Христүүд гэдгийн сунжирж нутгийн хэллэгт зохицож үүссэн байх талтай! Христийн сургааль нэвтэрсэн тэр үес энэ нэр түүхэнд тэмдэглэгдэж ирсэн мэт. Түүнчлэн Онгуд аймгийн нэр нь Онгон гэсэн нэрний олон тоо. Онгон шүтээн нь Христ байсан байж магадгүй учраас, Хэрэйд-Хэрээст-Христ гэдэг шиг шашны шүтлэгээрээ өөрсдийгөө нэрлэсэн юм шиг санагддаг. Хэрээс тэмдэг гэдэг Монгол үг нь эртний гаралтай бололтой. Христ гэсэн үгнээс үүсэлтэй юм биш үү гэмээр.

Гэвч Монголд ямар учраас Христийн шашин алдагдсан, Монгол бичгийн энэ гарал үүслийн түүх яагаад далдлагдсан бэ? гэсэн асуудал дэвшүүлж болох.

Миний таамаглалаар:

1. Христийн несториан урсгал нь Монгол орноос газар зүйн хувьд хэт алслагдсан байв.
2.

3. Хожим Исламын шашин хүчирхэгжин несторианчуудыг нутаг оронд хүртэл цөөнх болгож хүч нөлөөгүй болгосон.

4. Хубилайн эсрэг бослого гаргасан түүний дүү Аригбөхийг Несторианчууд ихээр дэмжсэн. Жишээ нь, одоогийн манжуур болон зүүн Монголыг захирч байсан үеэл дүү, Отчигон ноёны ач Наян ноён Христийг шүтэгчээр барахгүй, Хубилайн эсрэг Христийн тэмдэгүүдийг туг сүлдэндээ залан байлдаж байв.

5. Ромоос 100 эрдэмтэй Христийн лам авах гэсэн Хубилайн хүсэлт бүтээгүй. [18, 365 х.] (шалтгаан нь тодорхойгүй: миний бодлоор Христийн шашинт эхийнхээ нөлөөгөөр Христийн шашнийг Монголд дэлгэрүүлэх гэсэн байх)

зэргээс шалтгаалан Христийн шашний нөлөө Монголд суларч эхэлжээ.

       Гэтэл өөрийн эзэнт гүрнийг оюун санааны хувьд нэгтгэхийн тулд шашин залахаас өөр аргагүй улс төрийн бодлогоос болж ойр орших Төвдөөс Буддын шашин залснаар Хубилай хаанаас эхлээд Монголд Христийн шашнаас цэрвэх болов. Иймд гарал үүслээс нь шалтгаалаад Монгол бичгээс цэрвэх болж Монголын шашны зүтгэлтэн голдуу хүмүүс шинээр янз бүрийн бичиг үсэг хүртэл зохиож, Монгол улс түүхэндээ хамгийн ихээр, бичиг үсгээ солих (10 орчим удаа) гэж оролдсон улс боллоо. Үүний нэг тод жишээ нь Халхын Өндөр гэгээн Занабазарын Соёмбо үсэг юм. Түүнд улс төрийн болон хэлний шаардлагаар бичиг үсэг зохиох ямарч шаардлага байгаагүй зөвхөн шашны зорилгоор Соёмбо үсгээ зохиосон юм уу гэлтэй?

       Түүнээс гадна шарын шашны удаа дараагийн түүхчид Монгол хаадыг эртний Энэтхэг, Төвдийн хаадаас гаралтай мэтээр бичиж байсан. Ингэснээр Монгол түүхийн чухал хэсэг болох Монгол бичгийн гарал үүслийг зориуд нуун дарагдуулж, өөрийн шашнаа эртнээс нааш Монголын язгуур шашин байсан мэтээр харуулахыг зорьжээ.

Ё. Гантулга
2009-05-10
http://gantulga.wordpress.com
Австрали

Ашигласан материалууд:

1. 2009/05/01-нд хандав. http://news.bbc.co.uk/1/hi/sci/tech/489449.stm
2. Howard, D. Owens. September 22-24, 2005. Nestorian Merchant Missionaries And Today’s Unreached People Groups. A Paper Presented at the National Meeting of the Evangelical Missiological Society. Minneapolis, Minnesota
3. Stephen Andrew Missick. The Assyrian Church in the Mongolian Empire as Observed by World Travelers in the Late 13th and Early 14th Centuries
4. Richard, Foltz. 1999. Religions of the Silk Road. New York: St. Martin’s Press.
5. Редактор Цэвээндорж, Ц. 2003. Монгол улсын түүх: Тэргүүн боть. Улаанбаатар: Адмон
6. Nigel, Cameron. 1970. Barbarians and Mandarins: Thirteen Centuries of Western Travelers in China. New York & Tokyo: Walker/Hill.
7. Laurence, E. Browne. 1967. The Eclipse of Christianity in Asia: From the Time of Mohammed until the Fourteenth Century. New York: Howard Fertig.
8. Mingana, Alphonse. 1925.The Early Spread of Christianity in Central Asia and the Far East: A New Document. Manchester: University Press
9. Рашид Ад Дин. 1952. Сборник Летописей: Том I. Ленинград: Академия Наук СССР
10. Volkmar, Gantzhorn. 1991. The Christian Oriental Carpet. Tubijan, Germany: Eberhard-Karl-Universitat.
11. 2009/05/06-нд хандав. http://www.bbaw.de/bbaw/Forschung/Forschungsprojekte/turfanforschung/en/blanko.2005-03-02.3373813525
12. Gillman, Ian and Hans-Joachim Klimkeit. 1999. Christians in Asia Before 1500. Ann Arbor: University of Michigan Press,
13. 2009/05/04-нд хандав. http://ancienthistory.about.com/library/bl/bl_aesop_bundle_sticks.htm
14. 2009/04/28-нд хандав. “Mongholyn niuca tobcijan” (транслитерация китайской транскрипции монгольского текста, сделанная С.А.Козиным)
15. Козин, С.А. 1941. Сокровенное сказание, том 1,
16. Дамдинсүрэн, Ц. Монголын нууц товчоо. Ebook.
17. 2009/05/02-нд хандав. http://www.ancient-hebrew.org/26_nouns.html
18. John, Man. 2007. Kublai Khan. Great Britain: Bantam Press

Видео : Эргэлт

2009-10-29T15:25:00.000-07:00

Бурханд итгэдэггүй юм уу? Хэрвээ та эргэлт хийхгүй бол өөрчлөлт ирэхгүй. Хүний амьдралд эргэлт хийх боломж тийм олон олдоггүй. Гэхдээ таны амьдралын өдрүүд үргэлжлээд байгаа нь таныг эргэлт хийгээсэй гээд хүлээгдээд байгаа юм. Явж байгаа замаасаа эргээд нэг харвал яасан юм бэ? Энэ сүүлчийнх нь биш гэдгийг би мэдэх билүү. Өдрүүдийг минь тоолсон Нэгэн байдаг гэдэгт би эргэлзэж байна гэж үү. Хүсэхгүй бол үхсэн хүн амилаад ирсэн ч хүн гэдэг бүтээл үнэнд итгэхгүй.

Видео : Энэ л амьдрал уу?

2009-10-29T15:24:00.000-07:00

Ингээд л бол оо юм уу? Иймхэн зүйлийн төлөө л мэрийгээд байгаа юм гэж үү? Энэ л ердөө амьдрал юм уу? Ингээд л бас дуусаа юм гэж үү? Та өнөөдөр өөрөөсөө асуу? Бурхан, чөтгөрт итгэдэггүй ч гэсэн үхэл ирж энэ амьдрал дуусахад мөнх ертөнц, өөр нэг ертөнц таныг хүлээж байгаа гэдгийг та лав зөн совингоороо мэдэрдэг байх. Гэхдээ бид амьтан биш, бид зөн совингоор амьдардаггүй. Учир нь бидэнд итгэл гэж зүйл байдаг. Итгэлтэй бай.

Видео : Энэ л амьдрал уу?

Видео : Сайн мэдээ

2009-10-29T15:22:00.000-07:00

Итгэ тэгвэл та ялна. "Итгэл бол бидний найддаг зүйлсийн бодит байдал, харагдахгүй зүйлсийн баталгаа мөн. " Еврей 11:1. Танд ердөө хэдхэн минутад сайн мэдээ дуулгах гэсэн юм. Мэдээж энэ нь итгэлээр хүлээж авбал л сайн мэдээ байх болно. Гэхдээ танд итгэл байгаа, хүн бүхэнд л байгаа. Хүн жинхэнэ үнэнд итгэхгүйдээ биш, харин хүсдэггүй дээ л хүлээж авдаггүй нь Худлаа биш. Бурхан хүнд аврал өгсөн, тэгээд бүх дэлхийд тарааж итгэсэн нь аврагдаг гэсэн.

Видео : Сайн мэдээ

Гар утас Библи

2009-10-29T15:21:00.000-07:00

Хаана ч явсан гар утастайгаа бол одоо хаана ч явсан гар утсандаа Библийн шинэ гэрээ, эхлэл болон дуулал номуудыг аваад явах боломж ирлээ. Хэрэгтэй ишлэл, цээжлэх ишлэл, чимээгүй цагаар уншсан ишлэл, тунгааж буй, хэн нэгэнд хэлэх ишлэл гээд ЭЗЭНий үгийг хэдэн товчлуур дараад л унших боломжтой гэсэн үг. Дээрээс нь хавчуурга, хайлт, харагдац гэх мэт муугүй хэдэн тохируулгатай Монгол хэл дээрх "Гар утас Библи"-н эхний хувилбарыг хүргэж байна.

Гар утас Библи
Үүнд нийт 29 ном багтсан бөгөөд програмд зориулж бяцхан оршил хэсэг нэмсэн байгаа. Мөн товч тайлбар байгаа, гэхдээ туршилтын хэлбэр гараад нэлээн удсан учраас хэрэглэж үзсэн хүмүүст нь төвөггүй байх аа. Үзээгүй бол одоо яагаад болохгүй гэж тийм үү. Хэрвээ програм хэлбэрийн зарим ишлэл нь номон дээрх ишлэлтэй дугаараараа таарахгүй бол бидэнд доор бичиж үлдээнэ үү. Гэхдээ ийм алдаа бараг гараагүй гэж найдаж байна. Програмын хэмжээ нь маш жижигхэн бөгөөд татахад, суулгахад, хэрэглэхэд хялбар юм.

Харагдац:

Энэ програм нь үнэтэй юу?
Hэг төгрөгөөр ч зарахгүй, үнэгүй.

Ямар утсанд таарах бэ?
Java / жава дэмждэг утас болгонд ашиглах боломжтой. Жава байхгүй бол таны утсанд ажиллахгүй байх уучлаарай.

Жава дэмждэг үгүйг яаж мэдэх бэ?
Утансныхаa гэрчилгээ дээрээс support Java гэж байна уу хараарай.

Энэ програмыг яаж хэрэглэх бэ?
Гар утсан дээрээ зүгээр хуулаад л нээхэд ажиллана.

Гар утсандаа яаж суулгах/татах бэ?
- Гар утсаа ямар нэгэн холбогч холболтоор компьютертэйгээ холбоно ( хэрвээ байгаа бол шүү)
Тэгээд сайтаас татаж авсан зүйлээ гар утсан дотроо хийхэд л хангалттай.

Яаж бусдад дамжуулах бэ?
Блүтүт (Bleutooth), Инфараруж (Infrarouge) гэх мэт холболтоор утаснаасаа шууд бусдад тарааж болно. Мессежээр [ММS] илгээж болох байх (туршаагүй).

Татах :

1. Kомпьютер дээрээ татаж аваад дараа нь гар утсандаа хийх бол энд дарна уу болохгүй бол энд дараад үздээ.

Амжилт хүсье, хэд оролдоод л сурчихна гэж бодож байна.
Ч.Нармандах.

Сатан & Диавол

2009-10-29T15:20:00.000-07:00

Бурханы үгээр явж байгаа хүнд атаархагч нэгэн байдаг. Сайн мэдээнд битгий итгээсэй, битгий Бурханы үгээр амьдраасай, битгий мөнхийн хаанчлалд багтаасай гэх эсэргүүцэгч хар хүч байдаг. Хэрвээ үгүй байсан бол бүгд л Бурханы мөнхийн алдар дотор амар амгалан, аж жаргалтай байх байсан. Түүнд зориулж там ч гэж байхгүй, түүний араас очих нүгэлтэн ч гэж байхгүй л байх байсан. Гэхдээ айх зүйл байхгүй ЭЗЭН бидэнтэй дэлхийн төгсгөл хүртэл хамт шүү. Тэгвэл бидний эсрэг хэн байна вэ?

Интернет хурд чинь сайн бол youtube player-н өндөр чанараар нь үзээрэй. ( HQ гэсэн товчлуур дээр 1 удаа дараад )

Завгүй байх . . .

2009-10-29T15:18:00.000-07:00

Завгүй, завгүй, завгүй. Харин та? Дэлхийн хэрэгт биш... дэргэдэх хэвтэртэй ч биш, Бурханы хаанчлалын төлөө завгүй байна гэдэг өөр хэрэг. Гэхдээ бас өөр нэг завгүй амьдрал хаа нэгтээ байсаар л байна. Хүнд дарамт нь хүмүүсийг хүлсээр л байна. Хэн нэгэн хэрвээ "Би зүгээр завгүй байна, энэ гэм биш, нүгэл ч биш, юу ч биш" гэвэл энэ нь Бурханд лав таалагдахгүй, Түүний хаанчлал ирэхэд ч завгүй үлдээд хоцрох сонголт. Итгэлгүй хүнд бол энэ бүр ч хамаагүй.

Сатан ба түүний тэнгэр элч нарын хэлэлцээр

Бүх дэлхий ба хүн төрөлхтөнг хамарсан сэдэв дээр Сатан тэнгэр элч нарт хандан:
"Бид, Христэд итгэгч хүмүүсийг сүм уруу явахыг хорьж чадахгүй байна. Бид, тэднийг үнэнийг мэдэн Библи уншихаас зайлуулж чадахгүй байна. Өдөр ирэх тусам Есүс Христтэй хийх харилцаа нэмэгдэж, тэдний дээрх бидний хүч нурж байна...

Гэхдээ бидэнд хийж чадах өөр нэгэн зүйл байгаа. Тэднийг байгаагаар нь орхиод, гадаад орчноор нөлөөлөн тэдний харилцааг нураах:
Сүмдээ яваг яах уу, библи-ээ ч уншиж байг, гэхдээ тэдэнд гарч байгаа өөр цагуудыг ашиглаж нөлөөлөх хэрэгтэй. Ингэснээр тэд өөрсдөө харилцаагаа богиносгож "авралаа" алдах болно.

Тэнгэр элч нар "Бид яаж ийм зүйл хийх бэ?" гэхэд :

1. "Амьдралын ямар ч утгагүй, хэрэгцээгүй зүйлээр тэднийг завгүй байлга, тэдний тархийг дүүргэх зүйлсийг олж зохио, бүтээ"

2. "Зээлэхэд, худалдахад, солиход, сонирхоход цаг зарцуулуул"

3. "Өдөрт 10, 12 хэд ч хамаагүй цаг ажил хийлгэ, эцэг эх нь хүүхдүүдтэйгээ хамт байх цагийг багасга, гэр нь эзгүйр ч эв нэгдэл нь тасарна. "

4. "Ариун Сүнснийхээ үгийг сонсохгүй болтол тэднийг оюун ухаан чихийг хэрэгтэй хэрэггүй зүйлээр дүүргэ.
Радио, кассет, зурагт асааж үзэхээр өдөж түлх."

5. "Дэлгүүр хоршоо, гуанз ресторан, зах уулзалт ажил, автобус, машин, гудамж хаана ч хамаагүй библийн бус дуу хөгжим тавь. Тийм зүйлсэд дасга."

6. "Тэдний ширээг эсэн шидийн журнал, сэтгүүлүүдээр дүүргэж, 24 цагийн турш дэлхийн сонин сайхныг сонирхуул. Энд тэндгүй тэднийг анхаарлыг татах реклам, зурагт самбар, плакат, урилга тоглолтоор тат."

7. " Тэдний шуудангийн хайрцгийг элдэв сонирхолтой сонирхолгүй захиа захидлаар дүүргэ. Хямдрал, ашигтай наймаа, бараа зэргийг сурталчлан саатуул..."

8. " Элдэв моод, модель, мисс бүсгүйчүүдийн зургийг сэтгүүлийн эхний нүүрэн дээр нааж, эрчүүдийн сонирхлыг татаж эхнэртэй сэтгэл дундуур болго."

9. "Байнгын хийх зүйлтэй байлга, амрах амралтын үер ч ядраа, дараагийн долоо хоногтоо бэлэн биш мэт санагдуул. Агаар салхинд гарч Бурханы бүтээлийг гайхуулахын оронд концерт, тоглолт, тэмцээн уралдаан, кино, баярт явуулж үргэлж ачаалалтай байлга."

10. "Үргэлж завгүй байлга, сүнслэг ахан дүүсийн уулзалтаар элдэв хов жив, худал хуурмагаар уйтгартай болго."

11. "Сайн мэдээг ярихаас илүү хэрэгтэй мэт зүйлс ол. Есүсийн хүч чадлыг хайх шаардлаггүй, завгүй олон сайхан шалтгаан гаргаж ир."

12. "Бүх зүйлээр сонирхлыг нь тат, бусдын жишээгээр атаархуулан улам илүү хөдөлмөрлүүл."

Ингээд ирэхээр харахад нүгэл гэж хэлэгдэхгүй тул, тун удахгүй Есүстэй хийсэн харилцаа нь нураад, өөрсдөө өөрсдийнхөө төлөө ажиллаж эрүүл мэнд, гэр бүл, Бурханы үг, сүм чуулганаасаа өөрөө холдоно. . . "

Тэгээд нөгөө элч нар хүмүүсийг улам илүү завгүй болгохын тулд, хэтэрхий яаруу амьдруулахын тулд, улам илүү хүнд ачаа үүрүүлэхийн тулд явцгаажээ.

BUSY гэж англиар завгүй гэсэн үг. Ёжлоод хэлэхэд энэ үгийг ингэж хэлж болдог юм билээ:
BUSY = Being Under Satan's Yoke. ( Сатаны буулган (ачаа) доор байх )

Сатан энэ бүхнийг миний амьдралд хэрэгжүүлж чадаж байна уу?
Өөрсдөөсөө асууцгаая,
Магадгүй энэ хэн нэгэнд хэтэрхий паналтай, эсвэл инээдтэй санагдсан ч байж болох юм. Гэхдээ энэ бол үнэний ортой. Бүр үнэн ч байж болох юм. Ийм буулга дотор байгаа амьдралыг л би "завгүй" гэж нэрлэлээ. Хүмүүс хэтэрхий завгүй байх шиг???

Завгүй амьдрал нүгэл биш гэж та бодож байна уу?
Тийм/Үгүй гэж хариулах нь чухал биш. Гэхдээ завгүй хүн тэнгэрийн хаанчлалд орохгүй гэдэг нь үнэн.

Библээс нэгэн зүйрлэл уншицгаая :

"Бурханы хаанчлалд талх идэх хүн бүр ерөөлтэй еэ! гэхэд
Тэр [Есүс] түүнд
-Нэгэн хүн оройн их зоог бэлдэж, олон хүн урьжээ.
Тэгээд оройн зоог барих цаг болоход уригдсан хүмүүс уруу боолоо илгээн "Зоог бэлэн болов. Морилон ирцгээнэ үү" гэж хэлүүлжээ.
Гэтэл уригдсан хүмүүс бүгдээрээ л шалтаг хэлж эхлэв. Эхний хүн "Би газар худалдаж авсан тул явж, түүнийг үзэх хэрэгтэй байна. Намайг уучлаарай" гэжээ.
Нөгөө нэг нь "Би арван үхэр худалдаж авсан юм. Тэднийг үзэхээр явлаа. Уучлахыг гуйя" гэхэд
нөгөө нэг нь "Би эхнэр авсан. Ийм учраас би очиж чадахгүй" гэжээ.
Боол нь буцаж ирээд үүнийг эзэндээ хэлэв. Тэгтэл өрхийн тэргүүлэгч хилэгнэн, боолдоо "Даруй гарч, хотын чөлөө, гудамжаар явж ядуу, тахир дутуу, сохор болон хазгар доголон хүмүүсийг нааш авчир!" гэв.
Боол нь "Эзэнтэн, тушаасныг тань ёсоор болгосон хэдий ч сул суудал байсаар л байна" гэхэд
эзэн нь боолдоо "Зам, хашаа хавиар яв. Гэрээр минь дүүрэн хүн байлгахын тулд хүмүүсийг албадан авчир.
Учир нь би чамд хэлье, уригдсан байсан нөгөө хүмүүсээс нэг нь ч миний оройн зоогноос амсахгүй" гэв.
Лук 14:15-24

Энэ бол Есүсийн тэнгэрийн хаант улсынхаа тухай ярьсан нэгэн зүйрлэл. Мэдээж Нэгэн хүн гэдэг нь Есүс бөгөөд өөрийнхөө хаанчлалыг оройн их зоогтой зүйрлэж байгуулж байгаа тухай зүйрлэжээ. Тэгээд зоог бэлэн болоход зочид уригдсан. Гэтэл уригдсан хүмүүсээс нэг нь ч хаанчлалд багтсангүй.

Яагаад ??? Тэд нүгэл үйлдсэн үү? Яагаад ??? Яагаад ??? Яагаад ???

Үнэхээр газар авсан бол, үхэр худалдаж авсан бол, эсвэл эхнэртэй болж байгаа юм бол энэ нь зоогт очиж чадахгүй байх хангалттай шалтгаан биш гэж үү?
Харамсалтай нь зөв шалтагтай ч оройн зоогноос амссангүй, завгүй байснаасаа болоод оройн зоогт очиж чадсангүй. Энэ бол завгүй амьдрал. Завгүй амьдралд зөв шалтаг гэж байхгүй. Хүнд дарамтанд завгүй байх биш, харин өдөр ирэх тусам Бурхан уруу ойртож, шинэчлэгдэж байх ёстой бидний дуудлага. Цаг ойрхон байгаа ах дүү нараа.

"Эцэж туйлдсан, хүнд дарамт үүрсэн хүмүүс ээ, бүгд Над уруу ир.
Би та нарт амралтыг өгье. Буулгыг минь өөр дээрээ авч, Надаас суралц.
Учир нь Би зүрх сэтгэлдээ дөлгөөн, даруу билээ. Тэгээд та нар сэтгэлдээ
амралтыг олох болно.
Миний буулга амархан, Миний ачаа хөнгөн"

Есүс Христ
[Матай 11:28-30]

Танд энэ бичлэгийг бусдад уншуулах хэдэн минут байна уу? эсвэл та . . .

Бичсэн Ч.Нармандах

Энхбаяр Гэрчлэл

2009-10-29T15:17:00.000-07:00

Энэ гэрчлэлийг оруулахад маш олон саад байлаа. Фонт нь таарч өгөхгүй, уншиж, сольж болохгүй хуулж ч болохгүй гээд л. Гэхдээ хуулж бичээд болгочихлоо., одоо та унших гэж байгаад таатай байна. ЭЗЭНийг гэрчилцгээе!
Намайг Энхбаяр гэдэг. Одоо 41 настай. Би өөрийн гэрчлэлтээрээ Бурханыг алдаршуулах гэж байгаадаа баяртай байна.
Би хэдэн жилийн өмнө Есүсийг хүлээн авах нь битгий хэл Түүнийг эсэргүүцдэг, шоолдог, доромжилдог, надад сайн мэдээ ярьсан хүнд уурладаг тийм хүн байлаа.

2003 онд би эхнэртэйгээ Солонгос улсад ажил хийхээр очоод, тэнд баривчилгаа маш их байсан тул бид 2 Сөүлээс 300-гаад км хол газар, хөдөөгийн хөдөө, уулын мухарт байдаг үйлдвэрт ажилд орлоо. Бид 2 ажилдаа ядрахын чацуу Монгол орноо мах их санана, монголчуудтайгаа уулзаж байх юмсан гэж их боддог байлаа. Гэтэл ойрхон байдаг хотод монголчууд Есүсийн сүм дээр цугладаг гэсэн сураг сонсоод ашгүй Монголчуудтайгаа уулзах гэж бид 2 маш их баярласан. Гэхдээ тэнд очоод тэр Есүсд нь яаж ч байсан итгэхгүй шүү гэж хоёулаа хоорондоо тохиролцсон юм. Ингээд бид тэр сүмд зөвхөн Монголчуудтайгаа л уулзаж, ярьж хөөрөхөөр явдаг, харин тэр үед хүмүүс доошоо хараад залбирч байхад нь бид хоёр л дээгүүр бусдыг харж шоолон зогсдог байлаа.

Жил гаран ингэж явсаны дараа бид хоёр ганц олдож байгаа амралтын өдрөө амарч байя гэж бодоод сүмдээ огт явахаа болиод 6н сар боллоо.

2007 оны 4н сард гадуур явж ирээд би өлссөндөө хөргөгчинд нэлээн удсан хиам аваад идтэл тэр дороо дээд шүдний угаар дамжаад толгой уруу янгинан өвдөөд, учир зүггүй хэд дахин бөөлжөөд шууд л унтаад өгсөн. Ингээд 2 хоног унтаад босоод ирэхэд эхнэр маань намайг хоолны хордлого болчхож гэж бодоод эмнэлэг дагуулж яваад хордлого тайлдаг дусал хийлгэж ирсэн тухай ярихад нь би огт санахгүй байлаа. Тэр үед би зүгээр л эрүүл хүн шиг ярьж хөөрөөд явж байсан, ганцхан эмнэлгээс гараад гэртээ харихад манай үйлдвэрийн дарга хүргэж өгөхөөр гадаа тосоод зогсож байхад би түүнийг танилгүй "Таксины жолооч ахаа та бид хоёрыг тэнд байдаг, тийм үйлдвэрт хүргээд өгөөч, Та яасан гоё машинтай юм бэ?" гэж ярьсан гэнэлээ.

Ингээд би үргэлжлүүлээд 5 хоног нийтдээ 7 хоног өдөр шөнөгүй унтсан. Эхнэр маань хоол ид гэж дуудахад нь босож хоолоо идчихээд, бие засаж аваад эргээд унтдаг байсан.

Унтаж унтаж босоод ирсэн миний нүдэнд бүх юм 2 болон харагдаад, явахдаа жаахан гуйвж, дайвж явдаг болчихсон байлаа. Ямар ч байсан нэг өвчин тусчихлаа гэж бодоод урьд нь хамт ажиллаж байсан 2 Солонгос хүн дээрээ очоод учраа хэлтэл тэд ажлаасаа чөлөө аваад бид 2-г дагуулан хэд хэдэн эмнэлгээр дагуулан үзүүлтэл хоолны хордлого биш, харин тархинд чинь том хэмжээний өвчин байна, яаралтай тархиныхаа зураг авахуул! гэж хэлсэн юм. Одоогийн монгол мөнгөөр бол 500 мянган төгрөгөөр зураг авахуулдаг гэж үнийг нь сонсоод хоёулаа мөнгөө хэмнэх зорилгоор хуучин явдаг байсан сүмрүүгээ хандаж ( эмнэлэгт үзүүлэхэд биднийг үнэ төлбөргүй үзүүлж өгдөг байсан) миний тархины зургийг авахуулж өгөөч гэхэд тэд зөвшөөрсөн.

Маргааш нь сүмийн Монголчуудыг хариуцсан ахлагч нь орчуулагчтайгаа бид 2-г аваад 70 км хол байдаг өөр хотруу авч явсан. Замд явж байхад орчуулагч охин бид хоёрт Бурханы тухай ярьж өгч, тэр үед гэнэтхэн Есүс гэдэг чинь ямар гоё юм бэ? ерөөсөө Түүнийг хүлээж авъя гэж би өөртөө шийдвэр гаргасан юм. Энэ мөч нь би өвчнийхөө оношийг сонсохоос яг 1 цагийн өмнө би Есүсийг өөртөө хүлээн авсан байлаа. Энэ бол тохиолдлын зүйл биш, харин Эзэн Бурханы товлосон цаг байжээ гэж би боддог.

Эмнэлэгт очоод 2-ч аппарат дамжаад зураг авахууллаа. Гараад ирсэн чинь хамт явсан улс сандралдаж гүйлдээд, эхнэр маань уйлаад л, намайг шууд эмнэлгийн хувцас өмсгөж дээш гаргаж хэвтүүлээд баахан дусал залгасан. Би ямар өвчин тусч бэ гэж асуутал :

"Чи тархины хорт хавдар тусжээ. Эхэлсэн цагаасаа хойш 10 хоногийн дотор гэхэд л одоо чиний тархины 4-ний нэгийг эзэлсэн, өөрөөр хэлбэл 10-н см-н диаметртэй том, маш хурдан өсөлттэй хавдар байна" гэж хэлсэн. "Энэ өвчин г яаж эдгээх бэ гэж асуутал : Ийм хавдрын тухайд энэ өвчин эдгэхгүй, чи энэ чигээрээ байгаад байвал хамгийн ихдээ 2 сар амьдарна. Энэ өвчний ганц эмчилгээ нь мэс засал хийлгэх арга байдаг. Мэс засал хийлгээд ч бас эдгэхгүй. Учир нь мэс заслын үед энгийн нүдээр харахад хавдар, тархи 2 чинь ялгагдахын аргагүй адилхан байдаг учраас эмч нар таамгаар хавдрыг чинь авдаг. Энэ үед багажны үзүүр тархийг чинь санамсаргүйгээр гэмтээх тохиолдол өндөр учраас чи мэс заслын дараа тэр гэмтлээс болж тахир дутуу болох, ой санамжаа алдах, эсвэл хараагүй болох гэх мэт маш олон эрсдэлүүд гарч ирдэг. Тэгээд ч бүгдийг нь авч чаддаггүй учраас үлдэгдэл хавдар чинь дахиад л ургана. Дахиад л мэс засал хийлгэнэ. Энэ мэтээр олон удаагийн мэс заслыг хүн дийлдэггүй.

Чи мэс засал хийлгэснээр 6 сар найдвартай амьд байна, үүнээс цааш амьд байх баталгаа байхгүй" гэж эмч хэллээ. Ингээд намайг анагаах ухаан ( тэр тусмаа Солонгосын ) "Чи үхнэ" гээд шууд хэлчихсэн юм. Зөв зүгээр ажлаа хийгээд явж байсан бид 2 ингээд гэнэтхэн үхлийн ирмэг дээр ирлээ. Ийм үед хүн эрүүл л болж байвал, үхэхгүй л бол юу ч хамаагүй хийхэд бэлэн болдог юм билээ.

Тэр үед бидний найз нарын маань "Анагаах ухаан чамайг аварч чадахгүй гээд хэлчихсэн бол одоо амьд үлдэх ганцхан л зам байна, тэр бол "Есүс" гэж хэлсэн. Ингээд Есүсийг эсэргүүцэж байсан бид 2 ганц хоёрхон хоногийн дотор Есүсийг зүрхэндээ маш хүчтэйгээр хүлээн аваад, Түүнээс "Эдгээж өгөөч" хэмээн үнэн сэтгэлээсээ, уйлан байж залбирдаг болсон. Манай эхнэр тэр өдрөөс хойш өдөр нь намайг асарч, сувилаад шөнө нь огт унталгүйгээр эмнэлгийн цахилгаан шатан дотор дээш доош дараад, эсвэл дээвэр дээр нь гараад шөнөжин уйлан байж Эзэн уруу хандан залбирдаг байсан. Өөрөөр хэлбэл 3 өдөр огт унталгүйгээр миний төлөө залбирч байжээ.

Бид 2 хүний нутагт, танихгүй хотод, гар утаснаас өөр зүйлгүй, гэнэтийн үхлийн ирмэг дээр очоод шаналан зовж байхад Бурхан бид 2-руу маш олон итгэгч найз нөхөд, сүмийн ажилтан, пасторууд тэр бүү хэл сайн мэдээ яриад явж байгаа мэдрэл муутай охиноо дагуулсан нэгэн эмээг хүртэл бид 2-руу ирүүлж байсан юм. Тэд ирээд бидэнд Бурханы тухай ярьж, магтан дуу дуулж, залбирч өгөөд явдаг байсан. Тэд эмнэлгийн гадаа дугаарлаад зогсож байгаа юм шиг л яг нэг гарахаар, нөгөө хүн нь орж ирдэг. Тэр үед надтай хамт хэвтэж байсан Солонгос хүмүүс залхаж байсан байх аа. Бид 2-г Өөртөө сайн итгүүлэхийн тулд Бурхан эдгээр хүмүүсийн бидэн уруу илгээсэн нь ойлгомжтой. Тэр үед бидний найз нараас нэг нь ч "Би Монгол уруу утастаад эдгэх нь үү, үгүй юу гэж ламаас асуугаад өгье?" гэж хэлж ирээгүй.
3 хоногийн дараа Монголоос манай эрэгтэй дүү, Америкаас тэнд ажиллаж, амьдардаг төрсөн эгч 2 маань нисээд хүрээд ирлээ. Бид ярилцаад Монгол уруугаа явахаар шийдсэн.

Энэ шийдвэр нь минийх байсан бөгөөд учир нь Монголдоо байгаа өндөр настай ээжтэйгээ, 2 хүүхэдтэйгээ уулзъя, үхсэн ч Монголдоо л үхье гэж зүтгэсэн. Америкт очоод итгэгч болчихсон эгч маань бидэнд онгоцны билет бичүүлж өгөөд явахдаа ингэж хэлсэн юм : "Би Америкруугаа буцаж очоод сүмийн-хэнтэйгээ нийлж байгаад чиний төлөө залбирцгаана, мэс заслыг маш сайн хийж өгөөч гэж бид залбирах болно гэж хэлээд явсан.

Ингээд бид 2 Монголдоо ирээд 3 хоносны дараа "Ачтан" эмнэлэгт мэс засалд орсон. Эмч Нота, Энхбаяр, Ганзориг нар мэс заслыг сайн хийж өгсөн. Хагалгааны дараа миний тархины зургийг авсан томографийн эмч бид 2-г өрөөндөө дуудаж оруулж ирээд : "Та хоёр шууд үнэнээ хэл! Бид өдөр бүр эмч нарынхаа хийсэн мэс заслыг хир сайн болсон эсэхэд дүн шинжилгээ хийх зорилгоор өвчтөний зургийг нь авч дүгнэлт бичдэг хүн. Гэтэл чамдээр хийсэн энэ хагалгаа урьд нь хийгдэж байгаагүйгээр онцгой сайн болжээ. Манай эмч нар гэнэтхэн нэг өдөр авьяас чадвар нь цоорно гэж байхгүй, харин үүнд гаднын нэгэн нөлөө байна. Та хоёр маш том лам таньдаг хүн үү? Үнэнээ хэл!" гэсэн. Эндээс би үнэхээр эгчийн маань залбирснаар Бурхан эмч нарын гарыг удирдсан юм байна гэдгийг олж харсан.

Дараа нь би тодорхой хэмжээний хавдрын үлдэгдэлээ Хөх хот утуу 2 удаа явж Гамма шарлагаар шаруулсан.
Өнөөдөр би эрүүл саруул болоод дунд сургуульд багш, Библийн оройн сургуульд оюутан болоод явж байна. Өдийд үхчихсэн байх ёстой намайг Бурхан ингэж эдгээж өгсөнд талархан, Түүнд бүхий л үлдсэн амьдралаа зориулахаар шийдэн урам зоригтой алхаж байна.

Бүх алдар, магтаал нь зөвхөн Бурханд байг !

Кино : Хүмүүжсэн аав

2009-10-29T15:14:00.000-07:00

Хэн, хэзээ, хаана хийсэнг нь мэдэхгүй ч бодит амьдралаас сэдэвлэн хийсэн гэж би бодлоо. Энэхүү кино нь бидний ЭЗЭН бүхнээс илүү Есүс Христийг гэрчлэн хийсэн кино байна. Юуны өмнө энэ киног хийсэн хүмүүст талархлаа бас илэрхийлье. Бурхан ивээг та бүхнийг.
ЭЗЭНий өгч байгаа бүх боломжийг ашиглан сайн мэдээг сонсоогүй нэгэнд нь ярьж, мэдээгүй нэгэнд нь нээж аврал тараая... ЭЗЭН та бидэнд энэ боломжийг өгөх болтугай.

Сэдэв : Хүний амьдрал
Тайлбар : Есүс бол Аврагч

Кино 1-р хэсэг

Кино 2-р хэсэг

Кино 3-р хэсэг

Кино 4-р хэсэг

Видео : Үр жимс

2009-10-29T15:13:00.000-07:00

Та хэн нэгний хийсэн зүйлд атаархаж байна гэж үү? Та өөрийгөө бусдаас илүү гэж бардам зан гаргалаа гэж үү? Тэглээ гээд хэн хожих бэ?
"Харин хэрэв та нар зүрхэндээ хорссон атаархал ба хувиа хичээсэн зорилготой бол бүү бардамна, үнэний эсрэг худал бүү ярь." Иаков 3:14 . Энэ бүхнээс нэг нь л гарч байвал би муу үр жимс ургуулдаг, мөн Тэнгэрийн хаанчлалд надад байр олдохгүй, үүрдийн харамсалд шүдээ хавиран гаслах л үлдэхгүй юм гэж үү. Би Бурханы "Үр жимс" гэж нэрлэсэн тэр л үр жимсийг хүсэж байна. Харин та?

Сэдэв : Хүний амьдрал

Тайлбар : Аль нь жинхэнэ үр жимс аль нь буцааж төлөгдөх үйлс бэ?

Есүс кино (Монгол хэл дээр)

2009-10-29T15:11:00.000-07:00

Лук зарим нь Луух ч гэдэг хүний бичсэн гэрчлэл номоор хийсэн монгол хэл дээрх Есүс Христийн киног хүргэж байна. Кино нэлээн урт учраас бас бичлэгийн чанарыг алдуулахгүйн тулд 15 хувааж youtube дээр тавьсан тул та бүхэн тухлан сууж үзэн үү. Хэрвээ удаан интернет хурдтай бол үзэж байх хоорондоо бусад хэсгийг нь "Play >> Pause " болгож байгаад үзээрэй. Тэгвэл дараа дараахыгаа шууд гацалтгүй бас хүлээлтгүй үзэх боломжтой.
Эндээс 1-ээс 3 дах хэсгийг үзэн үү

Киног бид бүхэнд үзэх боломж олгосон Энхболд ахад талархая. Бурхан ивээх болтугай.

Есүс Кино 1-р хэсэг

Есүс Кино 2-р хэсэг

Есүс Кино 3-р хэсэг

Эндээс 4-аас 6 дах хэсгийг үзэн үү. >>>
Эндээс 7-ээс 9 дох хэсгийг үзэн үү. >>>
Эндээс 10-ээс 12 дах хэсгийг үзэн үү. >>>
Эндээс 13-ээс 15 дах хэсгийг үзэн үү. >>>

Есүс кино үргэлжлэлүүд :

2009-10-29T15:10:00.000-07:00

Эндээс 4-аас 6 дах хэсгийг үзэн үү. >>>
Эндээс 7-ээс 9 дох хэсгийг үзэн үү. >>>
Эндээс 10-ээс 12 дах хэсгийг үзэн үү. >>>
Эндээс 13-ээс 15 дах хэсгийг үзэн үү. >>>

Ханын цаас

2009-10-29T15:08:00.000-07:00

Компьютерыхaa дэлгэцийн зургийг нэг солиод үзвэл яасан юм бэ? Хэдэн ширхэг ишлэлтэй хамт зураг оруулчихлаа татаад аваарай. Сонгож байгаад таалагдсанаа татаж болно аль эсвэл бүгдийг нь ч нэг дор татаад авсан чиг болно. Ханын цааснуудыг зургийн цомогт гурав дахь цуврал болгон нэмсэн байгаа. Татаж авах хаяг нь зургаа үзэж байхад доор нь бий. Нэг нэгээр нь татахдаа шууд хулганаараа татаад дэлгэцэн дээрээ тавиарай.

Зургийн цомог уруу орох >>> Цуврал 3 шинэ

Ундраа гэрчлэл

2009-10-29T15:06:00.000-07:00

Есүс дахин амилсныхаа дараа шавь нартай Түүний тухай гэрчлэл хийлгэхээр, сайн мэдээг бүх ард түмэнд тараалгахаар илгээж, гэрчлэлд итгэсэн нэгэн нь, сайн мэдээг хүлээж авсан болгон нь мөнх амьтай болно гэж хэлсэн юм. Ингээд Ундраагын гэрчлэлийг хүргэж байна. 1 Тимот 6:12 "Итгэлийн сайн тэмцлээр тэмц. Мөнх амийг барьж ав. Чи мөнх амь уруу дуудагдсан бөгөөд олон гэрч нарын өмнө сайн гэрчлэл хийсэн. "

Бурхан үнэхээр надад хайртай. Тэр намайг эдгээсэн,босгосон,аварсан тэгээд намайг бас ухааруулсан. 2004 онд би хүнд өвдөж эмнэлгийн онош нь сүрегийн мэнингит бөгөөд эцсийн шатандаа орсон байлаа. Энэ явдлаас өмнө би Солонгос явах бодолтой байсан юм. Хэчнээн сүмд очдог байсан ч мөнгөгүй л бол амьдрал хэцүү гэж санагддаг байлаа.

Тэгээд ямар ч аргаар хамаагүй Солонгос явая гэж бодсон юм. Тэгээд зарын дагуу очоод Солонгос хүнтэй гэрлээд Солонгост очоод зугтана гэж бодож төлөвлөсөн байлаа.
7 хоногийн дараа явна гэж байтал гэнэт чи эмнэлэгт оч гэж дотроос минь хэн нэгэн шивнэсэн. Эмнэлэгт очоод бие ч их муудсан босож чадахгүй өдөр шөнөгүй халуураад л тэгээд 2 сар эмнэлэгт хэвтэрт байлаа.
Сэхээний 2 тасагтай өдрийн тарианы цаг болонгуут хажуу өрөөнөөс эрэгтэй хүн "Ёо ёо больё" гэж орилдог байсан юм. Нэг сувилагчийн ярианаас тэр хүнийг Солонгост 7 жил ажиллаад уушгины өвчтэй болоод ирсэн бас анх орж ирэхдээ өвчин нь надаас гайгүй байсан гэдгийг олж мэдсэн.

Тэр хүн өдрөөс өдөрт муудсаар л, харин миний бие сайжирсаар байсан юм. Сарын дараа босдог болоод энгийн тасагт шилжсэн тэр өдөр нөгөө ахыг миний тасагт оруулсан. Тэгээд үдээс хойш яг миний хажууд нас барсан. Энэ бол яах аргагүй надад нэг зүйлийг ойлгуулсан зүйл. (Учир нь тийм хүнд хүнийг энгийн тасаг уруу шилжүүлдэггүй) Хэрэв би өөрийнхөө бодлоор амьдраад Эзэний үгнээс зөрж явсан бол намайг тийм зүйл л хүлээж байсан байж мэднэ гэдгийг Бурхан надад тэгж харуулсан юм.

Эмнэлгээс гарахад эмч маань надад "Чи ч ёстой азтай хүүхэд шүү 7 хоног өнгөрсөн л бол ямар ч эмчилгээгүй болох байлаа" гэж хэлсэн. Бурхан тандаа баярлалаа. Өөрийн бодлоор хийсэн үйлдэл, алхам бүр эргээд харахад дандаа алдаа байдаг ... Таныг гэрчлэх боломжийг бас цагийг гаргаж өгсөн Эзэн Тандаа баярлалаа.

Ундраа.

МОБИБЛИ

2009-10-29T15:05:00.000-07:00

Гар утасны хэрэглээг өнөөдөр гэж хэлэхэд хэтэрхий оройтох бөгөөд өчигдөр гэхэд л аль хэдийнээ хэн бүхний хэрэгцээ болчихсон. Хэрвээ та гар утастай л бол тэр тантай хамт л байгаа. Бараг Бат хаана байна, гар утас нь тэнд гэж хэлснээс, гар утас нь хаана байна Батаа тэнд л байгаа гэж хэлбэл тоглоомоор ч гэсэн утгаараа бол илүү үнэн сонсогдох байх. Тэгвэл энэ хэмжүүрээр Библи-ээ хэрэглэвэл юу болох бол гэж та бодож үзсэн үү? Энэ бичлэгийн дараа нэгэн сурьприз та биднийг хүлээж байгаа юм шүү.

Сэдэв : Гар утас ба Библи
Тайлбар : Ингэж төсөөлбөл юу болох бэ?